Pas finales, tifozët anglezë eskaluan: Fyejtën në baza racore Sakan, Rashfordin dhe Sanchon

Bukayo Saka, Marcus Rashford dhe Jadon Sancho, që të gjithë që humbën penalltitë në finale të Euro 2020 ndaj Italisë, janë fyer në baza racore.

Përmes rrjeteve sociale, tifozët e Anglisë kanë fyer lojtarët e tyre, duke i fajësuara ata për dështimin që të fitonin Kampionatin e tyre të parë Evropian në histori.

Në lidhje me këto fyerje raciste, Federata e Futbollit të Anglisë ka reaguar menjëherë, duke dënuar ashpër ato veprime të tifozëve.

Lexo po ashtu Mancini ngrit në 'qiellin e shtatë' lojtarët e Italisë

“FA dënon me forcë të gjitha format e diskriminimit dhe është e tmerruar nga racizmi në internet që u është drejtuar disa prej lojtarëve tanë të Anglisë në mediat sociale”.

“Ne nuk mund të ishim më të qartë se kushdo që qëndron pas një sjelljeje të tillë të neveritshme nuk është i mirëpritur të ndjekë ekipin. Ne do të bëjmë gjithçka që mundemi për të mbështetur lojtarët e prekur ndërsa kërkojmë dënime më të ashpra të mundshme për cilindo”.

“Ne do të vazhdojmë të bëjmë gjithçka që mundemi për të hequr diskriminimin nga loja, por i lutemi qeverisë të veprojë shpejt dhe të sjellë legjislacionin e duhur në mënyrë që ky abuzim të ketë pasoja të jetës reale”.

“Kompanitë e mediave sociale duhet të rriten dhe të marrin përgjegjësi dhe veprim për të ndaluar abuzuesit nga platformat e tyre, të mbledhin prova që mund të çojnë në ndjekje penale dhe mbështetje duke i bërë platformat e tyre të lira nga ky lloj abuzimi i neveritshëm”, thuhet në reagimi e federatës angleze.

Lexo po ashtu Southgate i dëshpëruar, por krenar pas dështimit për ta fituar Kampionatin Evropian

Gjuhën raciste e kanë dënuar edhe policia metropolitane e Britanisë, duke thënë se ata janë në dijeni dhe se do t’i ndjekin të gjitha rrugët për t’i ndëshkuar tifozët që kanë bërë fyerje. /Telegrafi/