Altuna Sejdiu – Tuna ka kohë që ka paralajmëruar rikthimin e saj në muzikë.
Këngëtarja më në fund ka sjell këngën e re pas një pauze si pasojë e rritjes së djalit që e ka sjell në jetë kohë më parë në saje të lidhjes me Patris Berishën.
“Chonga”, titullohet kënga më e re që e ka sjell biondina dhe e ka shoqëruar me një video atraktive të realizuar në Mal të Zi.
Mësohet se për këtë projekt këngëtarja ka harxhuar shumë, ndërsa së bashku me produksionin kanë bërë çmos që të përzgjedhin lokacione të veçanta dhe kreative, duke hasur disa herë edhe në vështirësi në sigurimin e lejes për xhirim.
Theksojmë se për melodinë është kujdesur Cricket gjersa tekstin e këngës e ka shkruar Seven dhe Elinel.
Kujtojmë se bukuroshja jonë rikthehet në skenë vjen pas këngës “Duam”, të cilën këngëtarja e publikoi dy vite më parë, një këngë kushtuar dashurisë, e cila u shpërblye edhe me Çmimin e Kritikës në festivalin “Kënga Magjike”, në vitin 2016. /Telegrafi/
