Në sallën e Kuvendit të Kosovës sot (e enjte) janë zhvilluar shumë debate lidhur me çështje të shumta politike në vend.
Mirëpo pas përfundimit të tyre, një aktivitet i pazakontë ka ndodhur brenda Parlamentit.
Bëhet fjalë një performancë artistike nga artistit shqiptar me famë botërore, Sislej Xhafa.
Përveç artdashësve, i pranishëm në kuvend për të ndjekur sot nga afër këtë shfaqje, ishin edhe ambasadori amerikan Greg Delawie, ambasadori i Gjermanisë dhe të tjerë.
Gjatë paradites së sotme, Xhafa ka inauguruar në qytetin e tij të lindjes, në Pejë, veprën “E humbur dhe e gjetur”.
Kjo vepër hap siparin e ekspozitës së tij të parë personale të organizuar në Kosovë.
Ai jeton dhe vepron në New York, teksa është gjendur këto ditë në Kosovë për promovimin e projekteve të tij. /Telegrafi/
