Shtetet e Bashkuara të Amerikës kanë akuzuar dy djemtë e bosit të drogës, Joaquin “El Chapo” Guzmán për komplot të shpërndarjes së drogës së importuar në vend, njoftoi Departamenti i Drejtësisë të enjten.
Sipas CNN, përcjell Telegrafi, aktakuza ndaj Joaquin Guzmán Lopez, 34 vjeç dhe Ovidio Guzmán Lopez, 28 vjeç, të cilët Departamenti i Drejtësisë thotë se besohet të jetojnë në Meksikë, është ngritur javën e kaluar.
Siç thuhet tutje, nga prilli 2008 deri në prill 2018, vëllezërit komplotuan për shpërndarjen e kokainës, marihuanës dhe metamfetaminës nga Meksika dhe vende të tjera për t’u importuar në Shtetet e Bashkuara, thanë prokurorët.
Nuk ishte menjëherë e qartë nëse të dy kishin përfaqësim ligjor.
Guzmán, 61 vjeç, dikur drejtoi një ndërmarrje kriminale që shtrihej në kontinente dhe shkaktoi gjakderdhje në gjithë Meksikën e tij.
Ai u gjet fajtor më parë këtë muaj në të gjitha 10 akuzat kriminale federale kundër tij, duke përfshirë angazhimin në një ndërmarrje kriminale të vazhdueshme, komplot për të pastruar të ardhurat nga narkotikët, shpërndarjen ndërkombëtare të kokainës, heroinën, marihuanën dhe drogat e tjera dhe përdorimin e armëve të zjarrit.
Dënimi i tij mbi akuzën për angazhim në një ndërmarrje të vazhdueshme kriminale mbart një mandat të detyrueshëm të jetës në burg. Ai pritet të dënohet më 25 qershor. /Telegrafi/