Hetuesit thanë se kanë zgjidhur një vrasje disa vjeçare të një studenteje të kolegjit Indiana në sajë të testimit të ri të ADN-së dhe teknologjisë së gjenealogjisë.
Sipas mediave të huaja, përcjell Telegrafi, policia ka identifikuar Jeffrey Lynn Hand si vrasësin e mundshëm të Pamela Milam, një studente 19-vjeçare e Universitetit Shtetëror të Indiana, e cila u gjet e lidhur në automjetin e saj gati 50 vjet më parë, thanë autoritetet të hënën.
Ndryshe, Milam ishte zhdukur natën e 15 shtatorit të vitit 1972, pasi kishte lënë një ngjarje universitare në Terre Haute, rreth 80 kilometra në jugperëndim të Indianapolis, tha policia.
Familja e saj e gjeti trupin e saj në bagazhin e makinës së saj në kampus të nesërmen, dhe policia tha se ajo vdiq nga mbytja. Në atë kohë nuk kishte dëshmitarë apo të dyshuar të qartë.
Ndërsa shefi i Policisë ka thënë se Hand vdiq në një përleshje me policinë në vitin 1978.
“Ai u përpoq të rrëmbejë një femër tjetër ndërsa ajo po hynte në makinën e saj në një parking në një supermarket”, ka thënë shefi i policisë gjatë një konference shtypi të hënën. “Për fat të mirë, kësaj radhe atje ishte një zëvendës i sherifit jashtë detyrës atje”.
Gjithashtu, siç bëhet e ditur më tej, Hand kishte një histori të dhunshme që përfshinte vrasje, ndjekje dhe tentim rrëmbimi.
Shawn Keen, i cili mori rastin në vitin 2008, tha se ekipi i tij zhvilloi një test të “anësisë së kundërt” duke përdorur ADN-në nga fëmijët e Hand dhe duke e krahasuar atë me provat e ADN-së nga skena e vrasjes.
Provat, tha Keen, do të kishin qenë të mjaftueshme për prokurorët që të akuzonin Handin nëse ai do të ishte gjallë. /Telegrafi/
