Si mund të kenë ndenjur së bashku për katër vjet, pa kuptuar faktin se kur kanë qenë fëmijë kanë qenë shokë klase, vetëm ata e dinë.
Misteri është i çiftit Lucy Wilson, 26 vjeç dhe Lewis Ball, 25 vjeç, që së shpejti do të martohen, e vetëm së fundmi kanë zbuluar se kanë frekuentuar të njëjtën shkollë fillore kur kanë qenë të vegjël.
Por tani, teksa kanë parë një foto të vjetër ku kishte dalë e gjithë klasa e tyre, kanë parë edhe veten, të dy në të njëjtën foto, në pak distancë.
Pas shkollës, shtigjet e tyre u ndanë për disa vite dhe ata, teksa duket se kur kanë qenë fëmijë me siguri nuk kanë qenë miq të mirë, e harruan njëri-tjetrin.
Deri në vitin 2012, kur u takuan, pa u njohur, në një bar, nisën të flisnin në rrjetet sociale dhe deri sa vendosën të fejohen, transmeton syri.
Kjo mund të quhet edhe si një dhuratë para martese që çifti ka marrë, pasi djali i ka bërë propozimin zyrtar të fejuarës, e ajo ka pranuar që të lidhin kurorë së bashku.