Aktori i famshëm i Hollivudit, Richard Gere pranoi rolin në serinë e re të dramës BBC “MotherFatherSon”, në të cilën do të luajë rolin e një manjati mediatik. Partnerët do të jenë aktorja Helen McCrory dhe Billy Haul.
Tetë episodet e serisë, që një prej tyre zgjat një orë, do të regjistrohen më së shumti në studiot e BBC-së në Londër.
Seria do të transmetohet në televizionin BBC Two, e cila shfaq një tregim të biznesmenit të suksesshëm, Max, ish-gruas së tij, Catherine dhe djalit të tyre, Cardin. Perandoria familjare rrezikohet në momentin kur djali i tyre, i cili është menaxher i gazetës në Mbretërinë e Bashkuar, del jashtë kontrollit.
Gere tha se ishte jashtëzakonisht i kënaqur që pas një kohe të gjatë të kthehet në ekranet e vogla.
“Pothuajse kanë kaluar 30 vjet që kur kam punuar në televizion për herë të fundit. Jam shumë i kënaqur që bashkëpunoj me BBC-në në këtë seri të jashtëzakonshme me kaq shumë njerëz të talentuar. Tema është shumë aktuale”, tha ai.
Aktori amerikan fitoi famë në vitin 1980 në filmin “The American Gigolo” dhe konfirmoi statusin e yllit me filmat “Zyrtari dhe Gjentelmeni” dhe “Pretty Woman”.
Theksojmë se xhirimet e serisë së re fillojnë këtë verë në Londër dhe Spanjë dhe data e premierës ende nuk dihet. /Telegrafi/