Mediat turke raportojnë sot se një grua 35-vjeçare u nxor e gjallë nga rrënojat e ndërtesave të shkatërruara shkaku i tërmeteve që kanë goditur shtetin turk dhe sirian.
Aysegul Bayir thuhet se ka qenë nën mbetjet e një ndërtese të shembur në qytetin jugor të Hatay për rreth 205 orë.
Ndërkohë, ekipet e kërkim-shpëtimit po vazhdojnë punën e tyre në të gjithë Turqinë dhe Sirinë, raporton skynews.
Gjatë ditës së sotme, gjithashtu dy vëllezër dhe një gjyshe u shpëtuan. Në total, mendohet se pesë persona janë shpëtuar gjatë 24 orëve të fundit në Turqi.
Theksojmë se shteti turk dhe sirian u godit prej dy tërmete të fuqishme prej 7.7 dhe 7.6 shkallës të Rihterit.
Numri i të vdekurve ka arritur mbi 35 mijë persona ndërsa mijëra të tjerë kanë pësuar lëndime. /Telegrafi/
Rescuers in Turkish Kahramanmaraş with a lot of difficulties rescued a 35-year-old woman from under the rubble, who spent 205 hours under the ruins of the house. pic.twitter.com/w3xvfiV3Hf
— NEXTA (@nexta_tv) February 14, 2023