Ish kandidati i Lëvizjes Vetëvendosje për kryetar të Mitrovicës Veriore, Erden Atiq, ka njoftuar se sot nga ora 16:00 pritet të zyrtarizohet arritja e marrëveshje për bashkimin e subjekteve politike në një listë të përbashkët për zgjedhjet lokale të 17 tetorit në këtë komunë.
Atiq në një postim në Facebook shkruan se në këtë listë do të jenë të gjitha partitë shqiptare dhe partia që vije nga komuniteti pakicë, VAKAT si dhe Shoqëria Civile.
“Kemi nderin të ju njoftojmë, që sot në ora 16:00 do të mbajmë konferencë për shtyp tek rrethi matan urës së Ibrit (tek ish xhamia e urës së iIbrit), ku do të prononcohemi për arritjen e marrëveshjes për bashkimin e shumicës absolute të subjekteve politike në një listë të përbashkët”, shkroi Atiq në Facebook. /Telegrafi/
