Lideri i partisë Uniteti, Gëzim Ostreni, sot ka inicuar nismë qytetare për ndryshime të Kushtetutës së Maqedonisë, transmeton Telegrafi Maqedoni.
Me këtë iniciativë kërkohet që numri i nënshkrimeve për të inicuar një kërkesë për ndryshime kushtetuese të ulet, ndërkaq tani ky numër është 150000 nënshrime, ose 30 deputetë.
Partia Uniteti konsideron se ky numër është përcaktuar për të penguar proceset demokratike, pasi që është e vështirë të arrihet ky numër nënshkrimesh, posaçërisht te shqiptarët, ose popujt tjerë.
Më tutje, partia Uniteti propozon që të bëhen ndryshime në preambulën e Kushtetutës, mundësimi i përdorimit zyrtar të gjuhës shqipe dhe alfabetit, si edhe ndryshime në mënyrën e zgjedhjes së kreytarit të shtetit dhe të kuvendit. Gjithashtu, me këtë iniciativë propozohen ndryshime të procedurave kushtetuese për sjelljen e vendimeve në Gjykatën Kushtetuese, shpërndarje të buxhetit të shtetit, etj./Telegrafi/