Pamjet video nga kamerat e vëzhgimit në mbarë botën dëshmojnë për vështirësitë në drejtimin e automjetit gjatë parkimit, por kjo video na tregon diçka krejtësisht të ndryshme – sepse shoferi as që kishte ndërmend të parkonte.
Sipas informacioneve të disponueshme, ngjarja ka ndodhur në Kinë dhe në video shihet një Peugeot i zi që i afrohet bordurës dhe zonës ku parkohen makinat me shpejtësi të madhe në një rrugë të lagësht.
Pasi shoferi humbi kontrollin e mjetit, makina goditi fort bordurën, u ‘ngjit në ajër’, fluturoi mbi katër automjete të parkuara dhe u ul në një vend parkimi bosh.
Pas këtij “parkimi”, shoferi del nga makina dhe shikon me mosbesim se çfarë ka ndodhur.
Nëse nuk do të ishte kamera e vëzhgimit, është e vështirë për këdo që ta besojë këtë histori. /Telegrafi/
