Hajni i ngathtë, që vodhi prej një agjencie turistike në Mançester të Anglisë, ka pësuar nga një erë e fortë, që ia shpërndau paratë nëpër rrugë.
Kartëmonedhat që i dolën prej xhepave, nuk mund t’i kthente pas dhe u desh të largohej duarthatë, transmeton Telegrafi.
Policia e ka shpërndarë videon, në përpjekje për ta identifikuar dhe ndaluar plaçkitësin.
Ky i fundit, dyshohet se së bashku me një tjetër, nën kërcënimin e armës i kërkuan agjentes t’jua dorëzonte pazarin ditor, për tu larguar më pas në drejtim të panjohur. /Telegrafi/
