Të akuzuarve për rrotullimin e veturave të EULEX-it në vitin 2009, iu është parashikuar lënda në Gjykatën Themelore në Prishtinë.
Rron Gjinovci, njëri nga të akuzuarit ka paraqitur në profilin e tij në Facebook aktvendimin e Gjykatës Themelore.
Në të thuhet se Gjykata Themelore në Prishtinë ka hedhur poshtë akuzën dhe pushohet procedura penale kundër të pandehurve.
Në aktvendim thuhet se Gjykata Themelore në Prishtinë më 27 dhjetor 2019 ka marr aktvendim të hudhet akuza e Prokurorisë Publike Komunale në Prishtinë dhe pushohet procedura penale kundër të pandehurve Glauk Konjufca, Xhelal Sveqla, Besfor Berisha, Zgjim Hyseni, Lirim Gashi, Salih Zyba, Rron Gjinovci, Salih Mehmeti, Naser Shatri, Bujar Vocaj, Kasim Ukaj, Arbër Nurdimi, Fatmir Kurtaj, Asdren Peci, Fatmir Haziri, Ramadan Deliu, Faruk Dakaj, Frashër Krasniqi, Skender Merturi, Pajtim Demaj, Flamur Arifaj, Kushtrim Zeqiri, Kujtim Kosumi, Dadan Molliqaj, Skender Blakaj, Blerim Maqastena, dhe Lulzim Xhaka.
Në arsyetimin e vendimit, gjyqtari i vetëm gjykues Hanefi Jashari, ka thënë se Gjykata disa herë radhazi ka thirr seancë, mirëpo të njëjtit nuk kanë prezantuar në seancë edhe pse janë ftuar me ftesë dhe është lëshuar urdhëresë për sjellje me dhunë, mirëpo përsëri nuk ka qenë e mundur të sillen të gjithë në gjykatë.
