Shërbimi Meteorologjik Ushtarak bëri të ditur se për ditën e mërkurë territori i Shqipërisë do të ndikohet nga kushte atmosferike të qëndrueshme për shkak të masave ajrore të thata me origjinë perëndimore.
Moti parashikohet i kthjellët në të gjithë territorin. Mjegull / mjegullinë në zonat luginore në orët e mëngjesit.
Era do të fryjë me drejtim verilindje- veriperëndim me shpejtësi mesatare 2-8m/sek, ndërsa përgjatë vijës bregdetare e lugina era fiton shpejtësi deri 10-14m/sek, shoqëruar me valëzimin në dete të forcës 1-2 ballë.
Temperaturat parashikohen nga 2 në 21 gradë Celsius. /Telegrafi/