Sevilla do ta presë Real Madridin në ri-përsëritjen e duelit të Copa del Rey të zhvilluar në mesjavë, për një tjetër triller, tash në kuadër të La Ligas. Një fitore e Sevillas në këtë takim do të rihapte luftën për titull dhe do të ndërpriste serinë prej 40 ndeshjeve pa humbje të Real Madridit.
Vendi: Ramon Sanchez Pizjuan, Sevillë
Koha: 15 janar (e dielë), 20:45
Lajmet rreth ekipeve
Sevilla
Adil Rami është i gatshëm për këtë duel pas suspendimit dhe mund të zgjidhet para Clement Lengletit.
Wissam Ben Yedder pritet që të jetë startues, përkundër faktit se transferimi i ri Stevan Jovetic ka shkëlqyer nga stoli në mesjavë me një gol në debutim.
Franco Vasquez dhe Vitolo do të jenë në krah, me dyshen Samir Nasri dhe Steven N’Zonzo në qendër të mesfushës.
Real Madrid
Raphael Varane do të jetë partner i Sergio Ramosit në qendër të mbrojtjes për mysafirët, teksa Pepe është duke vuajtur nga një problem muskulor.
Gareth Bale nuk do të kthehet për një muaj ose dy, që e sheh Lucas Vasquezin në krahun e djathtë për shkak se James Rodriguez ka një lëndim të vogël në shpinë.
Cristiano Ronaldo pritet të zë vend në krahun e majtë me Carvajalin që do të zgjidhet para Danilos në krahun e djathtë.
Top lojtarët
A e dini se?
Real Madridi është i pamposhtur në 28 ndeshjet e fundit në La Liga.
Janë shënuar së paku tri gola në shtatë ndeshjet e fundit të Sevillas.
Janë shënuar së paku dy gola në tetë ndeshjet e fundit të Real Madridit ndaj Sevillas në të gjitha garat.
Sevilla ka fituar shtatë nga tetë ndeshjet e fundit në shtëpi në La Liga.
Janë shënuar së paku tri gola në tetë nga nëntë ndeshjet e fundit të Real Madridit në La Liga.
Sevilla ka fituar me së paku tri gola epërsi në tri ndeshjet e fundit në La Liga.
Real Madridi ka shënuar së paku dy gola në tetë nga nëntë ndeshjet e fundit në La Liga.
Sevilla ka shënuar së paku dy gol anë gjashtë nga shtatë ndeshjet e fundit kundër Real Madridit në të gjitha garat.
Real Madridi është pa humbje në 40 ndeshjet e fundit në të gjitha garat.
Analiza
Herën e fundit të dyja skuadrat barazuan 3-3 në Ramon Sanchez Pizjuan, përkundër faktit se të dy trajnerët vendosën të luajnë me përbërje të dyta.
Sevilla ka fituar shtatë nga tetë ndeshjet e fundit në kampionat në shtëpi dhe një fitore në mesjavë ndaj Real Madridit do të zvogëlonte epërsinë në tabelë me Los Blancos për vetëm një pikë.
Ekipi drejtuar nga Zidane vuri një tjetër rekord spanjoll për pamposhtshmëri në duelin e fundit, ku u sigurua ndeshja e 40-të radhazi pa humbje, por këtë seri të fortë me shumë gjasë do ta ndërpresë Sevilla.
Parashikimi: Sevilla 2-1 Real Madrid