Barcelona do të ketë punë me Las Palmas në Camp Nou në përpjekje për të shënuar fitoren e parë në La Liga për vitin 2017.
Vendi: Camp Nou, Barcelonë
Koha: 14 janar (e shtunë), 16:15
Lajmet rreth ekipeve
Barcelona
Marc-Andre ter Stegen do të kthehet në gol për vendasit pas ndeshjeve në Kupë, me Mascheranon që e zëvëndëson Umtitin në qendër të mbrojtjes.
Ivan Rakitic mund të ketë një mundësi që të luajë pasi hyri nga stoli në fitoren ndaj Bilbaos, kurse ai do të ketë konkurrencën e Andre Gomes.
Neymar, Luis Suarez dhe Lionel Messi do të vazhdojnë në krye të sulmit, pasi shënuan golin e 300-të së bashku ndeshjen e fundit.
Las Palmas
Pedro Bigas është jashtë aksionit për një lëndim në gju, i cili e sheh Mauricio Lemosin që të ketë një rast për të shkëlqyer në kampionat.
Dani Castellano ka pësuar një goditje, por do të duhet të jetë i gatshëm që të startojë, me Helderin e gatshëm që të zëvëndësojë në krahun e majtë nëse duhet.
Nabil El Zhar preferohet në vend të Tanas në krahun e djathtë, kurse ndryshime tjera nuk pritet të ketë nga Quique Setien.
Top lojtarët
A e dini se?
Barcelona është e pamposhtur në 10 ndeshjet e fundit në La Liga.
Janë shënuar më pak se tri gola në gjashtë nga shtatë ndeshjet e fundit të Las Palmas në La Liga.
Las Palmas ka dështuar që të fitojë në shtatë ndeshjet e fundit në udhëtim.
Barcelona është e pamposhtur në gjashtë ndeshjet e fundit ndaj Las Palmas në të gjitha garat.
Analiza
Barcelona ka fituar vetëm një nga tri ndeshjet e fundit në shtëpi në La Liga, për shkak të barazimeve ndaj Malagas dhe Real Madidit në fund të vitit 2016
Pas një fitore prej 3-1 ndaj Bilbaos, Barca do të mundohet të bartë vetëbesimin dhe të fitojë bindshëm ndaj Las Palmasit.
Las Palmas ka fituar vetëm një nga 11 ndeshjet e fundit në udhëtim në La Liga, por do të ketë optimizëm për të mposhtur Barcelonën, pasi befasoi Atleticon në Copa del Rey të mërkurën.
Parashikimi: Barcelona 5-1 Las Palmas