Mbrëmë janë zhvilluar shtatë ndeshje në kuadër të ligës më të fortë të basketbollit në botë.
Kampioni në fuqi i NBA-s, Golden State Warriors ka arritur edhe një fitore duke e ngritur numrin e triumfeve në pesëmbëdhjetë.
Ended the night with 49 ? pic.twitter.com/xPh0lRBSNn
— Golden State Warriors (@warriors) November 27, 2018
‘Luftëtarët’ kësaj radhe para shikuesve të vetë në Oracle Arena fituan kundër Orlando Magic me rezultat 116-110.
Vetëm çereku i tretë i takoi skuadrës mysafire ndërsa në tre të tjerët vendasit treguan se e meritojnë të rrëmbejnë pikët e reja.
Kevin Durant ishte i pandalshëm në radhët e Golden State duke realizuar 49 pikë gjersa njëzet më pak i shtoi edhe Klay Thompson.
Te Orlando më i miri ishte Nicola Vucevic me 30 pikë gjersa 28 sosh i shtoi Terrence Ross, por që nuk ishin të mjaftueshme për të shmangur humbjen.
Pas kësaj, Warriors kanë bilanc prej 15 fitoreve dhe shtatë humbjeve ndërsa për Magic kjo ishte humbja e 11 kundrejt dhjetë triumfeve.
Ndryshe, në ballafaqimin e radhës kampionët në takimin e radhës do të luajnë me Toronto Raptors gjersa Magic do të takohet me Portland Trail Blazers. /Telegrafi/
Rezultatet tjera:
Charlotte 110-107 Milwaukee
Cleveland 95-102 Minnesota
Washington 135-131 Houston
Chicago 107-108 San Antonio
New Orleans 107-124 Boston
Utah 88-121 Indiana
