Paris Saint-Germian e ka filluar mbarë fazën përgatitore për sezonin e ri, duke e mposhtur Dynamo Dresdenin më rezultat bindës, 6-1.
Kylian Mbappe ishte fantastik në këtë përballje, e që shënoi dy gola në fitoren e parisienëve.
Sulmuesi 20-vjeçar e hapi llogarinë e golave gjashtë minuta nga fillimi i përballjes, derisa dha një asistim për Julian Draxler që shënoi të dytën. Ndërsa fituesi i Kupës së Botës shënoi për 3-0 në përfundim të pjesës së parë.
Arthur Zagre, Virgiliu Postolachi dhe Adil Aouchiche, ishin po ashtu në listën e golashënuesve, derisa Moussa Kone shënoi golin e nderit për Dresdenin në minutën e 76-të.
Në këtë përballje debutoi edhe Ander Herrera që e kompletoi kalimin në Parkun e Princave nga Manchester Unitedi si lojtar i lirë, pasi kontrata e tij skadoi në fund të muajit të kaluar.
Por, në këtë përballje ishte për t’u veçuar paraqitja e Mbappes dhe goli i tij i parë, e që ishte një gol fantastik. /Telegrafi/
