Këngëtarja shqiptare Era Istrefi është duke realizuar provat gjenerale për performancën e saj në Moskë.
Ajo do të performojë këngën shoqëruese të kampionatit Botëror, “Live it up”, në hapjen e ceremonisë finale.
Dje (e premte), ajo ka mbajtur konferencën e saj të parë për shtyp, nga ku ka deklaruar se ndjehet e lumtur që u bë pjesë e Kampionatit Botëror.
Si në çdo paraqitje tjetër, edhe ditën e djeshme këngëtarja shqiptare dukej bukur dhe me stil.
Për tu dukur e tillë, Istrefi duket se shpenzon mjaft, dhe vetëm veshja në ditën e djeshme i ka kushtuar asaj me mijëra euro.
Era mbante veshur një xhaketë nga Whyte Studio që kushton 394 euro, atletet e markës Gucci që kushtojnë 1200 euro dhe pantallonat e po të njëjtës markë si xhaketa, me çmimin 266 euro, shifra këto që bëhen të ditura nga faqja “What they wearin”.
Kurse varësja që po mbante Era në qafë, është stolia e quajtur J’adior e markës Dior, që kushton e cila kap shifrën e 290 eurove.
Për paraqitjen finale, Istrefi ka përgatitur një veshje të veçantë këshilluar me shumë stilistë, e cila do ta bëjë atë të duket glamuroze nesër (e diel) në “Luzhniki Stadium”. /Telegrafi/
