Dogana e Kosovës njofton se Njësitet Antikontrabandë në Veri të Mitrovicës (fshati Zherovnicë), gjatë patrullimit kanë arritur të identifikojnë një automjet të dyshimtë transportues në lëvizje, me ç’rast konform procedurave kanë urdhëruar ngasësin që ndalet.
Sipas njoftimit, ngasësi ka refuzuar urdhrin e ndalimit dhe ka tentuar të ik me automjet, me ç’rast zyrtarët i janë vënë në ndjekje dhe kanë arritur të bllokojnë automjetin, ndërsa vozitësi ka ikur duke e braktisur automjetin.
Me rastin e kontrollit zyrtarët kanë gjetur se në automjete kishte mallra kontrabandë të llojit pije alkoolike dhe jo alkoolike në sasi prej rreth 900 litrash.
“Me këtë rast gjatë rrugës në hyrje të Zveqanit gjatë dërgimit të Automjetit më mallra në Terminalin Doganor në Mitrovicë, tri automjete kanë penguar dhe kanë tentuar të bllokojnë zyrtarët e Doganës në kryerjen e detyrës zyrtare”.
“Fal përkushtimit dhe profesionalizmit të Zyrtarëve Doganor është arritur që të evitohen këto pengesa dhe automjeti i dyshimtë me mall të kontrabanduar të dërgohet në mbikëqyrje Doganore në terminal”, thuhet në njoftimin për media.
Për pengim në kryerje të detyrës Dogana e Kosovës thotë se ka lajmëruar dhe iniciuar rast tek organet kompetente. /Telegrafi/
