Një zyrtare në Departamentin e Tregtisë së SHBA vdiq të premten në atë që një hetim paraprak tha ishte një vrasje-vetëvrasje që përfshinte bashkëshortin e saj, njoftoi të premten Departamenti i Policisë Metropolitane D.C.
Sipas policisë, shkruajnë mediat e huaja, përcjell Telegrafi, oficerët kryen një kontroll pas një lajmërimi në shtëpinë e çiftit në Northwest D.C të premten.
Kur arritën ata gjetën një burrë, të identifikuar si 51-vjeçari Jason Rieff, me një pistoletë që dukej sikur kishte qëlluar veten.
Autoritetet thanë se gjithashtu gjetën një femër pa ndjenja të identifikuar si 45-vjeçarja Lola Gulomova.
Dhe sipas Washington Post, përcjell Telegrafi, sikurse Gulomova, edhe Rieff ishin zyrtarë të Shërbimit të Jashtëm të karrierës, dhe shpesh udhëtuan së bashkë në misionet e tyre jashtë shtetit.
Një mik i tyre ka thënë se të dy u takuan në Universitetin “Johns Hopkins”.
#DomesticViolence #Crime: Hard to believe this happened. RIP Lola Gulomova. #Tajikistan Hopefully her kids have care. https://t.co/Nz1QFOqE6P
— Navbahor Imamova (@Navbahor) June 9, 2019
Çifti u martua në vitin 2000 dhe kishte dy vajza, të cilat policia tha se nuk ishin në shtëpi gjatë të shtënave.
“Ajo ishte shumë ambicioze dhe gjithmonë buzëqeshte”, ka thënë shoqja e saj Katherine Jacobs, e cila gjithashtu ishte në Shërbimin e Jashtëm dhe u takua me Gulomova dhe Rieff në Moskë në vitin 2007.
Megjithatë, nga intervistat me dy miq dhe dokumentet gjyqësore, duket se problemet martesore të çiftit filluan në 2015, pasi u kthyen nga detyra e tyre e përbashkët jashtë shtetit. Përfundimisht, Gulomova paraqiti kërkesën për divorc.
Por kulmi i acarimit të marrëdhënieve të tyre supozohet të ketë qenë momenti kur Rieff mësoi se Gulomova kishte pranuar një post katërvjeçar në Beograd – Serbi, i cili do të fillonte në verën e vitit 2020 dhe se ajo planifikonte të merrte dy vajzat e tyre me vete.
Bëhet e ditur se një gjykatës në mars i dha Gulomovës një divorc të parazgjedhur pasi Rieff humbi disa herë dëgjimet dhe i dha kujdestarinë asaj për fëmijët.
Por gjyqtari kishte vendosur një seancë tjetër për të premten për të dëgjuar nga avokati i ri i Rieff, i cili kishte kundërshtuar vendimin, duke thënë se klienti i saj nuk kishte marrë njoftim adekuat. /Telegrafi/