E ardhmja e Matthijs de Ligt vazhdon të jetë e paqartë, nëse do të mbetet te Bayern Munich apo do të largohet gjatë afatit kalimtar të janarit.
Qendërmbrojtësi holandez nuk ka qenë shumë i preferuar nga Thomas Tuchel dhe largimi nga Allianz Arena është mëse i mundshëm në ditët e fundit të janarit.
Mediumi francez RMC Sport ka raportuar se Paris Saint Germain ka shprehur interesim për transferimin e holandezit në Parc de Princes dhe po përgatitë një ofertë për të.
Bavarezët janë interesuar për Nordi Mukielen, derisa PSG është e gatshme ta ofrojë mbrojtësin francez si dhe një shumë të konsiderueshme të parave për të arritur te De Ligt.
Vet qendërmbrojtësi holandez është i hapur për një kalim në Parc de Princes ku do të kishte më shumë hapësira në mënyrë që të ketë një vend në Euro 2024 me Kombëtaren e Holandës.
Në ditët e fundit të afatit kalimtar të janarit, PSG pritet të dalë me një ofertë zyrtare në drejtim të bavarezëve për transferimin e De Ligt.
24-vjeçari këtë edicion ka zhvilluar vetëm 14 ndeshje me Bayernin dhe ka shënuar një gol. /Telegrafi/