Paul Pogba e ka nisur në mënyrën më të mirë sezonin 2021/2022 në Ligën Premier duke qenë ndër lojtarët më të angazhuar në pjesën e parë të takimit ndërmjet Manchester United dhe Leeds United.
Djajtë e Kuq shkuan në pushim me një gol epërsi që erdhi falë kombinimit të mrekullueshëm ndërmjet francezit dhe Bruno Fernandesit.
‘Numri 6’ i Unitedit dhuroi një asistim mjeshtëror drejt futbollistit portugez, i cili e zhbllokoi rezultatin në minutën e 31-të.
https://twitter.com/utdrobbo/status/1426516139455270916
Sidoqoftë, paraprakisht Pogba kishte dështuar të shënonte i vetëm përballë portierit në minutën e 13-të.
28-vjeçari bëri gjithçka mirë duke e shmangur mbrojtësit në momentin e pranimit të topit, madje me lëvizjet e tij bëri që portieri të shtrihej, por goditja shkoi jashtë kuadratit të portës. /Telegrafi/
https://twitter.com/Dre6ii/status/1426510604932689922