Deputetja e PSD-së, Shqipe Pantina ka thënë se subjektet politike janë barrikaduar në emrin se kush do t’i prijë dialogut me Serbinë.
Ajo në emisionin “Debat Plus” me Ermal Pandurin në RTV Dukagjini tha se rezolutës së mazhorancës sot i mungonte vetëm pika që marrëveshja duhet të miratohet me 2/3 e votave.
“2/3 është shumicë e mjaftueshme, por situatë më e dëshirueshme duhet të ishte konsensusi i gjerë shoqërorë”.
Pantina ka deklaruar se një opsion i mirë do të ishte që marrëveshja finale me Serbinë të dalë edhe në referendum.
“Më e dëshirueshme do të ishte që marrëveshja finale me Serbinë, të dilte në referendum”.
Por, sipas deputetes së PSD koha nuk është në favorin tonë dhe se bota ka shumë probleme për të na pritur neve.
“Nëse vazhdojmë kështu si jemi, një gjë është e sigurt, të gjithë jemi humbës”, deklaroi më tej Shqipe Pantina./Telegrafi/