Situata epidemiologjike në vend është stabile, me rënie të vazhdueshme të numrit të rasteve të reja, të shtruarve dhe të vdekurve, tha për “Lokalno” mjeku Nikolla Panovski.
Sipas tij, hapi i radhës që duhet bërë nga autoritetet duhet të jetë heqja e plotë e çertifikatave dhe heqja e detyrimit të bartjes së maskave në shkolla, përcjell Telegrafi Maqedoni.
“Unë mendoj se këto dy masa duhet të ishin lehtësuar tashmë”.
Së pari çertifikatat, për mendimin tim, janë joetike që kur janë miratuar. Përkatësisht, ato ndalojnë lëvizjen e lirë të njerëzve të shëndetshëm. Në rast epidemie duhet të ndalohet lëvizja e të sëmurëve.
Së dyti, qëllimi i tyre për t’i detyruar njerëzit të vaksinohen me një vaksinë që është vullnetare dhe për të cilën vetë personat e detyruar para se ta marrin atë deklarojnë se e marrin vullnetarisht dhe me rrezikun e tyre. Mjaft joetike, dhe ligjërisht mjaft e dyshimtë.
Së treti, qëllimi i tyre ishte të mbronin të vaksinuarit nga të pavaksinuarit. Nuk kam hasur në një fushatë të madhe kundër vaksinave. Pra, vaksinat janë aq të mira sa të vaksinuarit kanë frikë se mos i infektojnë të pavaksinuarit.
Së katërti, pasi u pa se të vaksinuarit dhe të pavaksinuarit dhe të vaksinuarit përhapin virusin në mënyrë të barabartë, sidomos kur u shfaq omicroni, arsyetimi ndryshoi. Tani është koha për të mbrojtur shëndetin e të pavaksinuarve, që të mos infektohen. Pse të mos infektohen nëse janë të rinj, të shëndetshëm, që kanë kaluar coronavirusin, me antitrupa etj”, tha Panovski.
Ai thotë se nuk kemi pasur një fushatë për motivimin e qytetarëve, duke theksuar se presioni për vaksinim ka qenë veçanërisht i dëmshëm për personat të cilët pas 45 ditëve që kanë kaluar coronavirusin është dashur të vaksinohen për të marrë çertifikatë./Telegrafi/