Një zjarr i madh ka shpërthyer në stadiumin Molineux të Wolverhampton Wanderers në orët e para të mëngjesit të së dielës.
Zjarri ka kapluar një pjesë të stadiumit nga ora 1:40 e mëngjesit dhe zgjati për rreth dy orë.
Flakët dhe tymi i madh u panë që dilnin nga një sallë e konferencave të stadiumit.
Sipas mediave angleze në momentin e zjarrit, nuk ka qenë askush në atë pjesë të stadiumit.
Zjarrfikësit kanë dalë menjëherë në vendin e ngjarjes duke shuar zjarrin që kishte filluar të bëhej edhe më i madh. Gjithnjë sipas mediave angleze, zjarri dyshohet se ka rënë aksidentalisht, në një pajisje elektrike.
Gjatë ditës së sotme pritet të dalin ekipe të reja në terren për të parë dëmin që është shkaktuar në stadiumin Molineux. /Telegrafi/
🚨 BREAKING: The fire that has broken out inside Molineux seems to be getting worse, Emergency services are on scene 🙏🐺😭#WWFC #TheWolfpack #Wolves pic.twitter.com/B1DSfIdq7M
— 𝐓𝐇𝐄 𝐖𝐎𝐋𝐅𝐏𝐀𝐂𝐊™️ (@Wolfpackwwfc) January 23, 2022