Varfëria në Brazil është trefishuar në vitin 2021, kështu vlerëson fondacioni Getulio Vargas, që thotë se 17 milionë banorë kanë hyrë në varfëri në tremujorin e parë të vitit, nga ndikimi i ashpër i pandemisë COVID-19.
Hulumtuesit vlerësojnë se 12.8 për qind e popullsisë së Brazilit, apo rreth 27 milionë njerëz, jetojnë tashmë poshtë kufirit të varfërisë prej rreth 44 dollarë në muaj, që është numri më i lartë që kur nisën regjistrimet e të dhënave një dekadë më parë.
Ndërprerja e ndihmave financiare në katër muajt e fundit ka goditur rëndë brazilianët.
“Në këto katër muaj në shtëpi, pa ndihma, ne kemi pasur një rritje në varfëri”, tha Marcelo Nery, kreu i fondacionit.
Nga muaji prill deri në dhjetor 2020, thuajse 66 milionë brazilianë morën ndihma në para. Ndihma emergjencë zbuti goditjen ekonomike, rriti popullaritetin e presidentit Jair Boslonaro dhe luftoi varfërinë. Megjithatë, skadimi i ndihmës në fund të 2020-së, po zhbën këto efekte.
Duke synuar zgjedhjet e vitit të ardhshëm, Bolsonaro është përpjekur të zgjerojë programin e ndihmave, edhe nëse fundos financat publike.
Paketa e re, që nis nga muaji prill, do të ofrojë katër muaj ndihma me një mesatare prej 44.6 dollarë, ndaj një grupi më të vogël të punëtorëve informalë. /Telegrafi/