Panairi i Turizmit do të hapet për publikun të shtunën, më 25 shtator. “Bizneset dhe organizatat nga Peja dhe rajoni i Dukagjinit pritet që të marrin pjesë dhe t’i ekspozojnë produktet, shërbimet dhe ofertat turistike nga sektorët e industrisë së turizmit, ushqimit tradicional, pijeve, artizanaleve, produkte vendore bujqësore dhe ofruesit e përvojave”, thuhet në një njoftimin e USAID-it.
Pjesëmarrësit do të kenë mundësinë që të blejnë artikujt e ekspozuar në panair. Ofruesit e përvojave do të jenë në dispozicion për të dhënë informata lidhur me disa oferta turistike. Në komunikatën e USAID-it, thuhet se Panairi “Qëndroni për Fundjavë – Përjetoni Pejën” është një prej atyre aktiviteteve që reflektojnë zotimin e Qeverisë së Shteteve të Bashkuara për avancimin e ekonomisë së Kosovës duke stimuluar zhvillimin e sektorit privat. /Telegrafi/