Ferizaj fitoi 1-0 në shtëpi ndaj Trepçës ’89 në kuadër të javës së 34-të në Albi Mall Superligën e Kosovës.
Dueli për mbijetesë solli një luftë të ashpër për pikët e plota, por ato i morën ferizajasit në fund.
Trajneri Andrej Panadic ka thënë se ata ishin të përgatitur për një ndeshje të tillë dhe ia dolën me sukses.
“Ishte një ndeshje e vështirë si në aspektin fizik ashtu edhe psikik. Jemi përgatitur gjatë gjithë javës për këtë ndeshje, por ishte e pamundur të luanim bukur në këtë ndeshje”, ka deklaruar ai për ArtSport.
“Ajo që më pëlqeu është disiplina e lojtarëve. Mua si trajner më pëlqen kompaktësia dhe me këtë jemi të rrezikshëm si në fazën e mbrojtjes ashtu edhe sulmit”.
“Në secilën ndeshje që e kemi luajtur ka qenë e vlefshme si jeta. Njëjtë ishte edhe kjo. Kemi edhe dy të tjera”, ka shtuar më tej Panadic. /Telegrafi/