Disa pamje që thuhet se vijnë nga El Paso, Teksas dhe të postuara në mediat sociale tregojnë emigrantët që kalojnë një gardh kufitar jugor dhe vrapojnë nëpër trafik duke lëvizur me shpejtësi përgjatë Autostradës Shtetërore 375.
Sipas mediave të huaja, përcjell Telegrafi, pamjet tregojnë 13-14 emigrantë të paligjshëm që kalojnë një gardh kufitar që ndan Meksikën nga Shtetet e Bashkuara përpara se të shmangin trafikun.
Personi që regjistroi videon mund të dëgjohej duke bërtitur dhe brohoritur për individët teksa kalonin në trafik.
Siç vlerësojnë mediat e huaja, videoja zbulon natyrën “e lehtë” të kufirit dhe sa e thjeshtë mund të jetë për ta kaluar dhe për të hyrë në Teksas, ku komunitetet luftojnë me numrin rekord të kalimeve të paligjshme.
Viti 2022 përfundoi me 2,378,944 “takime me emigrantë”, sipas të dhënave të publikuara në shtator, që ishte më i larti i regjistruar ndonjëherë në një vit fiskal. /Telegrafi/