Një nënë që godet djalin e saj me një rrip, ndërsa një burrë u përpoq ta mbronte fëmijën nga goditjet, u kap në kamerë nga blerësit e tmerruar.
Sipas asaj që shkruajnë mediat e huaja, përcjell Telegrafi, videoja tronditëse u ngarkua në mediat sociale pas incidentit që është raportuar të ketë ndodhur në një Qendër Tregtare në qytetin e Arequipës, Peru.
Videoja tregon se nëna është duke ecur me atë që duket të jetë një rrip në dorën e saj.
Ajo pastaj gjen djalin e saj duke qëndruar me atë që besohet të jetë babai i tij dhe nis sulmin ndaj djalit të saj.
Nuk dihet se pse nëna e tij ishte bërë nervoz aq shumë me djalin e saj, që të vinte deri tek një moment i tillë.
Besohet se pamjet u shpërndanë në internet nga një dëshmitar okular i zemëruar.
Burimet në skenë thonë se shërbimet emergjente u thirrën dhe policia arriti ‘brenda disa minutave’ për të qetësuar tensionet në rritje. /Telegrafi/
