Një zjarr që shpërtheu pranë një qendre tregtare në Jerevan të Armenisë, u pasua nga një shpërthim i fuqishëm brenda një depoje të mbushur me mjete piroteknike.
Si pasojë e këtij shpërthimi kanë humbur jetën të paktën pesë persona dhe dhjetëra tjerë u lënduan, që me urgjencë u dërguan në spital për trajtim, transmeton Telegrafi.
Videoja e re shfaq momentin kur vjen deri te shpërthimi i fuqishëm, dhe e tërë lagjja përreth mbushet me rrënoja dhe tym të zi.
Madje 200 zjarrfikës dhe autoambulanca u dërguan në vendin e ngjarjes, për të lokalizuar zjarrin dhe ndihmuar të lënduarit.
Shumë vullnetarë janë angazhuar për të asistuar në shpëtimin e personave që kanë ngecur nën rrënoja.
Megjithatë ajo çfarë akoma nuk dihet, është shkaku që çoi deri te ky shpërthim i depos se mjeteve piroteknike. /Telegrafi/
