Një skenë e pazakontë është filmuar me kamerë amatore në Kroaci, ku një grup të rinjsh vendosën që në mënyrë të pazakontë të argëtohen.
Ata kishin shndërruar një barkë në kuzhinë e cila i kishte të gjitha – madje edhe një skarë dhe po lundronte nëpër lumin Kupa, transmeton Telegrafi.
“Diçka të tillë kurrë nuk kam parë. Erdhën në orën 17:00, përgatitën mish për dy orë. Për fat të keq nuk arrita ta pres fundit dhe ta shijoj paksa”, ka thënë një dëshmitar.
Ky grup i të rinjve vendosi të argëtohet – duke pjekur qengjin në skarë në barkë.
Kjo video ka ndarë opinionin kroat në dy grupe – disa mbështesnin mënyrën e tyre të argëtimit, derisa tjerët konsideronin si një veprim të pamatur. /Telegrafi/
