Një fluturim me aeroplan për në Majorka përjetoi turbulenca ekstreme të dielën teksa iu afrua ishullit spanjoll që po goditej nga një stuhi e fortë.
Dhe sipas mediave të huaja, përcjell Telegrafi, kjo i la pasagjerët të frikësoheshin për jetën e tyre ndërsa aeroplani fluturoi nga Alicante në Spanjën jugore për në ishullin Balearik në Mesdhe.
Estela Orts, një kërcimtare dhe akrobate e njohur ka postuar një video të fluturimit në mediat sociale.
Pamjet tregojnë aeroplanin duke “u dridhur dhunshëm” ndërsa pasagjerët e frikësuar u mbërthyen pas ulëseve, me Orts që shkruante se njerëzit bërtisnin, qanin dhe të villnin në atë që ndihej si “momenti i pafund”.
Zonat e Spanjës verilindore, si dhe Majorka, u goditën nga erëra me shpejtësi deri në 120 km/h dhe shiu i rrëmbyeshëm gjatë fundjavës, duke detyruar disa familje të vrapojnë për të shpëtuar dhe duke bllokuar të tjerët në ishull pasi fluturimet u anuluan.
Spanjollja shpjegoi se ajo po fluturonte për në Majorca nga Alicante pasi kishte vizituar familjen atje kur u përballë me turbulencat.
Ajo tha se fluturimi u vonua për shkak të motit, por u nis përfundimisht.
Kur ata u ngritën, shkroi ajo, ajo dhe pasagjerët e saj përjetuan disa turbulenca.
“Unë i kisha shkruar tashmë familjes sime (të cilët ishin pak të frikësuar), sepse ata e kishin parë stuhinë në lajme”, shkroi Orts.
Por së shpejti, gjërat u përkeqësuan. /Telegrafi/