Një vajzë katërvjeçare e cila po qëndronte ulur në karrige në një sallon ondulimi i ka shpëtuar për një fije floku vdekjes së sigurt, në momentin që plumbat i fluturuan mbi kokë.
Kamerat e sigurisë të instaluara brenda lokalit kanë filmuar momentin kur vogëlushja fillimisht vallëzon dhe luan e lumtur pranë dritareve të sallonit, transmeton Telegrafi.
Por në momentin që ulet për të shikuar televizion, dritarja prapa kokës së saj bëhet copa copa nga tre plumbat që fluturojnë brenda.
Për fat të mirë ajo ka shpëtuar pa as më të voglin lëndim, edhe pse plumbat i fluturuan mbi kokë.
Ndërkaq lidhur me rastin policia në Phoenix të Shteteve të Bashkuara, ka arrestuar 23-vjeçarin Michael Hart që dyshohet se kishte shtënë me revole.
Siç duket ai kishte për qëllim të gjuaj në dyqanin që ishte ngjitur me sallonin e ondulimit, dhe në një moment kishte ngatërruar objektin duke e frikësuar tej mase vogëlushen fatlume. /Telegrafi/
