Dikur ai konsiderohej si një nga qytetet parajsë për turistët. Por, tashmë Acapulco, qyteti që ndodhet në bregdetin e Paqësorit në Meksikë, është kthyer në një zonë lufte.
Tashmë ai konsiderohet si një nga qytetet më të rrezikshme në botë.
Vrasjet në të janë të përditshme, dhe këtë e tregojnë edhe këto foto shokuese.
Vrasjet janë nga më makabret.
Një vajzë 15-vjeçare për shembull, përcjell Tema, u gjet e copëtuar dhe pjesët e saj ishin mbledhur në një batanije, ndërsa kokën ia kishin prerë dhe ia kishin lënë në një kovë pranë trupit të copëtuar, me shenjat e një bande droge.
Janë pikërisht bandat e drogës, që e kanë kthyer këtë qytet në një gërmadhë.
Vitin e kaluar u vranë plot 1.170 persona.
Një numër ky shumë i lartë, pot ë kemi parasysh se Acapulco është një qytet me 810.000 banorë.
“Jemi në shtetrrethim, askush nuk del më në rrugë natën. Në mëngjes, të vdekurit na dalin në rrugë”, thotë biznesmeni 71-vjeçar, Pedro Ramirez. /Telegrafi/
