Një video rrëqethëse e publikuar në internet, shfaq momentin kur pasagjerët që gjendeshin në aeroportin e Floridës qajnë nga frika derisa disa tjerë mundohen të ndihmojnë të plagosurit.
Një burrë i armatosur ishte futur në aeroportin Ford Lauderdale duke qëlluar në drejtim të pasagjerëve, me ç’rast humbën jetë pesë persona, derisa tetë tjerë u plagosën, transmeton Telegrafi.
Dëshmitarët e rastit të tmerrshëm kanë rrëfyer për mediat tmerrin që e kishin përjetuar, në momentin që burri i armatosur filloi të gjuaj në drejtim të tyre.
“Filluan të na fluturojnë mbi kokë plumbat”, ka thënë një grua e cila fliste para kamerës e shokuar me ngjarjen.
Në video mund të shihen shumë njerëz duke qëndruar të shtrirë në tokë dhe mbajnë valixhet pranë vetës si mburojë, derisa një burrë shihet i plagosur dhe i mbuluar në gjak. /Telegrafi/
