Gareth Bale është xhiruar duke luajtur golf, vetëm disa orë para ndeshjes kthyese të të tetës së finales në Ligën e Kampionëve, ndërmjet Manchester Cityt dhe Real Madridit.
Anësori uellsian nuk ishte përfshirë në skuadrën e Los Blancos që udhëtoi në Etihad Stadium duke nxitur më shumë spekulime për të ardhmen e tij.
Në një konferencë për media, trajneri Zinedine Zidane kishte thënë se ka qenë kërkesë e 31-vjeçarit që të mos luante në atë takim.
Bale, i cili përfiton rreth 388.000 euro neto në javë, nuk ka luajtur në asnjërën prej shtatë ndeshjeve të fundit të Realit në La Liga, kampionat të cilën e fitoi skuadra e legjendës franceze për herë të 34 në histori.
Dhe pas disa gjesteve që kishin tërhequr vëmendje në ndeshjet kampionale, Gareth është vënë sërish në fokus para sfidës së Los Blancos.
Ai është xhiruar duke luajtur golf i qetë, ndërkohë që bashkëlojtarët e tij kishin presionin e sfidës vendimtare në Ligën e Kampionëve. /Telegrafi/
🚨🚨 IMAGEN EXCLUSIVA @elchiringuitotv 🚨🚨
💣💥 Mientras Zidane da la charla en Mánchester, BALE juega al GOLF en Madrid. #JUGONES pic.twitter.com/5DMYtPWOGG
— El Chiringuito TV (@elchiringuitotv) August 7, 2020