Sot (e premte) u zhvillua finalja e Lojërave Olimpike ‘Paris 2024’ në futboll, aty ku Spanja arriti që ta fitojë medaljen e artë.
‘Furia e Kuqe’ arriti që ta mposhtë në finale Francën në një përballje dramatike me rezultat 5-3, pasi u nevojitën vazhdimet për ta vendosur fituesin.
Në një ndeshje që u shoqërua me shumë gola dhe dramë më gjakftohtë u treguan spanjollët të cilët u mbrojtën mirë dhe sulmuan me sukses hapësirat në mbrojtjen franceze.
Kështu, Spanja mori medaljen e artë në Lojërat Olimpike ‘Paris 2024’ duke treguar në nivel jashtëzakonisht të lartë, i cili erdhi pak kohë pas triumfit në Euro 2024.
Franca në anën tjetër ani pse pati përkrahjen e publikut nuk arriti të fitojë të artën, megjithatë patën paraqitje shumë të mira dhe duhet të krenohen me të argjendtën.
Sa i përket medaljes së bronztë, Maroku e fitoi atë me shumë lehtësi duke ‘shkatërruar’ Egjiptin me rezultat 6-0.
Ekipi i udhëhequr nga kapiteni Achraf Hakimi shfaqi një disiplinë të lartë taktike, duke u renditur kështu me meritë si kombëtarja e tretë më e mirë në olimpiadë.
Pas përfundimit të finales së sotme, të tria kombëtaret fituese dolën në podium së bashku duke prezantuar medaljet e fituara nën duartrokitjet e tifozëve./Telegrafi/
𝑭𝒊𝒆𝒓𝒔 𝒅𝒆 𝒄𝒆𝒕𝒕𝒆 𝒆́𝒒𝒖𝒊𝒑𝒆 ! 💙🥈#FiersdetreBleus #Paris2024 pic.twitter.com/6FTgbjBB34
— Equipe de France ⭐⭐ (@equipedefrance) August 9, 2024
