Reshjet e shiut të rëna gjatë orëve të mbrëmjes kanë sjellë sërish probleme për disa qytete.
Raportohet të jetë përmbytur lagjja “Beslidhja” në Lezhë, por edhe qyteti i Laçit.
Në videot e siguruara nga “BalkanWeb”, uji në Lezhë arrin në 20 centimetra në rrugë, duke vështirësuar qarkullimin e mjeteve.
Sakaq situata paraqitet problematike edhe në qytetin e Laçit, ku dalja nga shtrati e një përroi afër qytetit ka sjellë përmbytje të rrugëve kryesore.
