Një shpërthim me lëndë eksplozivi ka ndodhur në lagjen “Gafurr Muço” në qytetin e Lushnjës.
Top Channel ka siguruar pamjet e dëmeve që ka shkaktuar shpërthimi në katin e parë të një pallati, në afërsi të derës së jashtë të banesës së Besnik Çokut.
Vëllai i tij ka folur para mediave duke thënë: “Nuk e dimë pse është vënë tritoli, nuk kemi probleme me asnjë”.
Si pasojë e shpërthimit është dëmtuar dera e kësaj banese dhe e banesës përballë saj, pronari i së cilës thotë se ka pasur shumë dëme materiale, ndërsa nuk ka më tepër dijeni për ngjarjen.
Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimin dhe kapjen e autorëve. /Tch/Telegrafi/
