Pesë ditë pas aksidentit tragjik në Itali, është zbardhur identiteti i 32-vjeçarit shqiptar, i cili humbi jetën në aksident.
Bëhet fjalë për Eduart Hoxhën i cili po shkonte drejt Giulianova dhe një Audi në drejtim të kundërt goditi veturën e tij.
Ai u ndihmua nga kolegët e tij të punës dhe vdiq pak më vonë.
Eduardi la pas dy vajza të vogla.
Ngjarja ka ndodhur Bellante Stazione në ish-rrugën shtetërore 80.
Nga mediat italiane ai mësohet se kishte lënë turnin e punës me kolegët para aksidentit dhe po kthehej në shtëpi tek gruaja dhe vajzat e tij 7 dhe 2 vjeç, që ndodhej pak kilometra nga vendi ku ndodhu aksidenti.
Makina e tij u përplas nga një Audi A2 s-line e cila e hodhi tutje për gati 50 metra. Vetura e goditi në derën e shoferit.
Kjo përplasje e frikshme, bëri që të mblidhen shumë njerëz në vendin e aksidentit, ku kolegët e tij e kanë nxjerrë nga kabina të gjallë dhe e shtrinë në asfakt për t’i dhënë ndihmën e parë.
Mjekët pasi mbërritën në vendngjarje u munduan ta sillnin në jetë, por për shkak të traumës që kishte marrë, 32-vjeçari shqiptar humbi jetën.
