Ikona e kinematografisë botërore, Pamela Anderson, është fotografuar duke dalë nga një hotel luksoz në Miami me biznesmenin suksesshëm shqiptar, 25-vjeçarin Fatmir Hysenbelliu, djalin e manjatit të medias, Irfan Hysenbelliu.
Kohë më parë ata darkuan së bashku, ndërsa në mediat shqiptare u përhap lajmi se kishin shkëmbyer edhe komente në faqet e tyre në Instagram, por këto fotografi të postuara gjatë fundjavës nga britanikja Daily Mail janë një provë e fortë se ekziston diçka më shumë se miqësi mes tyre.
Aktorja e njohur dhe modelja 49-vjeçare shfaqet në formë të shkëlqyer fizike, transmeton BalkanWeb.
“E veshur me një palë pantallona të shkurtra të bardha, teksa nxirrte në pak këmbët seksi, Pamela u fotografua teksa zbriste shkallët e hotelit një ditë më parë, ndërsa pak hapa para saj zbriste një djalë i ri”, shkruan Daily Mail duke iu referuar biznesmenit të suksesshëm shqiptar.
