Joao Palhinha ishte afër bashkimit me Bayern Munich në afatin kalimtar të verës dhe madje raportohet se kishte udhëtuar në Mynih për teste mjekësore, por marrëveshja dështoi.
Pavarësisht nënshkrimit të një kontrate të re me Fulhamin, ai ka qenë i lidhur me një kalim të mundshëm në janar dhe drejtori sportiv i Bayern Munich, Christoph Freund e pranoi se mesfushori ende po monitorohet nga klubi.
Portugezi u pyet nëse ai ende po mendon një kalim te Bayern Munich, por ai këmbëngul se fokusi i tij është të përfundojë muajin dhjetor me Fulhamin.
“Nuk po e mendoj në kokën time, jam i qetë. Nuk po mendoj shumë për atë që do të vijë më pas. Po mendoj për shtatë ndeshjet që kemi në dhjetor. Janë ndeshje të komplikuara, Boxing Day, të gjitha bashkohen. Është një muaj i rëndësishëm për Fulhamin dhe për mua gjithashtu. Dhe këtu është fokusi im. Çfarëdo që të ndodhë në janar do të ndodhë”, ka thënë Palhinha.
Fulham po përgatitet për mundësinë e largimit të tij muajin e ardhshëm dhe po shikon mesfushorin e Brazilit dhe Fluminense, Andre si një zëvendësues të mundshëm, sipas The Telegraph.
Palhinhan ka shënuar dy herë në Ligën Premier këtë sezon. /Telegrafi/