Deputeti i AAK-së, Pal Lekaj, ka thënë se opozita është e vendosur në kërkesat për largimin e Qeverisë, “shkaku i dy kauzave të njohura për qytetarët e Kosovës”.
Ai ka folur edhe për mundësinë e shkuarjes në zgjedhje me një listë të përbashkët.
“Po e shqyrtojmë mundësinë për shkuarjen e opozites me nji liste te perbashket ne zgjedhje, por kjo ende është në procesin e diskutimit”, tha Pal Lekaj, në emisionin “Rrokum Roll” të TV Rrokum.
Lekaj përmendi edhe disa kritere që janë diskutuar brenda opozitës.
“Kriteri i parë është që AAK dhe VV më i pasë nga 40 deputetë, Nisma 20 dhe Shoqëria Civile 10 deputetë. Kriteri i dytë është: kush i prinë listës, ka me i pri Parlamentit, ndërsa i dyti kandidat në listë ka me kandidue për Kryeminister”, sqaroi Lekaj kriteret që janë disktuar në bllokun opozitar.
Lekaj foli edhe për çështjen e demarkacionit, duke bërë një breshëri akuzash ndaj i Murat Mehës, udhëheqës i Komisionit Qeveritar për Demarkacionin. /Telegrafi/
https://www.youtube.com/watch?v=Si07FJs26F8