Paketa Super Sport do të transmetohet ekskluzivisht përmes rrjetit kabllor televiziv të IPKO dhe ajo do të kaloj në sistemin “Pay TV” ( paguaj për shikim) në momentin e implementimit të transmetimit digjital, diku kah fundi i vitit apo fillimi i vitit 2009.
Bazuar në një njoftim zyrtar të kompanisë, në platformën e Super Sport, që mund të ndiqet përmes sistemit televiziv kabllor të IPKO, klientët mund të kënaqen me ligat më të njohura evropiane të futbollit, ndeshjet e kombëtares shqiptare dhe basketbollin amerikan NBA.
"Ligat të cilat mund të ndiqen përmes ofertës së Super Sport janë: Bundesliga gjermane, Liga e kampionëve të UEFA, Liga Franceze, Liga Portugeze, Liga Spanjolle, Liga Angleze, Liga Italiane, kampionati i basketbollit amerikan NBA, si dhe ndeshjet e kombëtares shqiptare".
Në njoftimin zyrtar të IPKO-s po ashtu thuhet, se kompania Super Sport, i ka dërguar Këshillit të pavarur të mediave (KPM) garancinë për të drejtat autoriale të transmetimit në Kosove të këtyre ngjarjeve sportive.
"Nga 1 nëntori në IPKO Cable TV janë shtuar edhe kanalet e njohura ndërkombëtare: BBC, CNN, Cartoon Netëork, MTV, Rai Uno, Rai Due, VH1, Fashion TV, Travel Channel dhe Rai Neës 24.Me herët përmes rrjetit te IPKO janë transmetuar: IPKO TV, RTK, KTV, RTV21, 21 Plus, 21 popullore, Rrokum TV, Top Channel, Top Neës, Klan, Top Neës, My Music, Explorer 1, Explorer 2, Explorer 3, Alsat, Alsat M, Folk + dhe ON TV". /Telegrafi/