Mesfushori i Manchester Cityt, Rodri është shpallur fituesi i Topit të Artë të vitit 2024, me anësorin e Real Madridit, Vinicius Jr. duke përfunduar në vendin e dytë.
Veçanërisht, sulmuesi brazilianmungonte në ceremoni, duke shprehur kështu pakënaqësinë e tij në lidhje me humbjen e garës.
Pas njoftimit, ylli i Formula 1, Lewis Hamilton la të kuptohet për mbështetjen e tij për brazilianin, duke postuar emojin e flamurit brazilian në mediat sociale.
🇧🇷
— Lewis Hamilton (@LewisHamilton) October 28, 2024
Ky gjest mund të lidhet edhe me Çmimin e Madh të Brazilit të ardhshëm, i planifikuar për në fillim të nëntorit.
Por, komentuesit kanë vërshuar në profilin e tij, duke dhënë sinjale se edhe Hamilton e mbështeti Viniciusin për çmimin më të madh individual për një futbollist.
Mirëpo, piloti britanik mund ta ketë mendjen vetëm tek gara edhe pse reagimin e bëri në kohën kur Rodri ishte shpallur fitues i Topit të Artë.
Fitorja e Rodrit shënon një arritje të rëndësishme, pasi ai bëhet lojtari i parë i Ligës Premier që fiton çmimin që nga Cristiano Ronaldo në 2008. /Telegrafi/