Werder Bremen ka marrë një fitore të madhe 1-5 në udhëtim te Paderborni në ndeshjen e vlefshme për javën e 31-të në Bundesliga.
Ekipi i Milot Rashicës ka fituar tri pikë shumë të vlefshme në luftën për mbijetesë në kampionatin elitar gjerman, duke mposhtur pa shumë vështirësi Paderbornin.
Golat në këtë ndeshje u shënuan nga Abdelhamid Sabiri (66’) për vendasit, ndërsa Davy Klaassen (20’, 39’), Yuya Osako (34’), Maximilian Eggestein (60’) dhe Niclas Fullkrug (90+).
Lojtari më i vlerësuar i kësaj ndeshje ishte pikërisht mesfushori holandez, Klaassen, i cili pas dy golave të shënuara u notua me 8.6.
GET IN! We take home all 3 points after a rampant performance in Paderborn ✅#werder #SCPSVW pic.twitter.com/NwMPIzMjgJ
— SV Werder Bremen EN (@werderbremen_en) June 13, 2020
Në anën tjetër, nota më e ulët e ndeshjes shkoi për mesfushorin shqiptar të Paderbornit, Klaus Gjasula, i cili u vlerësua me notë 5.6.
Deri në minutën e 59-të në këtë ndeshje luajti edhe ylli i Kosovës, Rashica, që u notua me notë të lartë 6.9, edhe përkundër se humbi një penallti në minutën e 18-të.
Paderborn:
Werder Bremen:
/Telegrafi/