Lideri i Aleancës Kosova e Re, Behgjet Pacolli ka bërë thirrje që të hiqet taksa 100 për qind për mallrat që vijnë nga Serbia e Bosnja Hercegovina.
Pacolli në një postim në Twitter shkruan se kjo është mënyra e vetme që Kosova të çoj përpara proceset e saj të lëna në gjysmë.
Kjo sipas, Pacollit duhet të bëhet pa kushte dhe pa afate, ashtu siç ka kërkuar i dërguari i posaçëm i SHBA-së për dialogun Kosovë-Serbi, Richard Grenell.
“Sot bëra thirrje për heqjen e menjëhershme të tarifës për tregti, pa para-kushte dhe afate me miratim të të dërguarit të posaçëm të SHBA-së, Richard Grenell, si mënyra e vetme që populli i Kosovës të ecë përpara, të cilët duan një aleancë të fortë mes Kosovës e Amerikës. Nuk janë të nevojshme vonesat, vendimi duhet të merret. Është koha për të udhëhequr”, shkruan Pacolli në Twitter.
Today I called for immediate removal of trade tariff’s without pre-conditions or deadlines and endorsement of Envoy @RichardGrenell as the only way fwd for 🇽🇰. The ppl of 🇽🇰 want this. They want strong 🇽🇰🇺🇸alliance. No delay needed, decision must be taken. Time for leadership.
— Behgjet Pacolli (@pacollibehgjet) March 2, 2020