Paraqitja e Ronela Hajatit në Eurovision 2022 u përfol në masë të madhe, si për performancën ashtu edhe për veshjen që për shumë nga njerëzit u konsiderua e ekzagjeruar.
Madje, ekspozimi i tepërt mendohet se ka bërë që të mos kualifikohet për në finalen e madhe, që mbahet të shtunën (14 maj).
Kryetari i AKR-së, Behgjet Pacolli, në një reagim të fundit të bërë në rrjete sociale tha se në Itali, Francë e Zvicër e kanë vlerësuar muzikën e Ronelës, por ishte veshja që e bënë të talleshin me të.
Postimi i plotë i Pacollit (pa ndërhyrje):
“Ronela Hajati nuk u kualifikua në finalen e madhe të Song Contest të Eurovizionit 2022 për shkak të veshjës me të cilën hyri në garë.
Mbrëmë, por edhe sonte në debate të ndryshme, këtu në Itali, Francë e Zvicër vlerësojnë shumë muzikën, tekstin dhe përformancën e Ronelës dhe u vjen keq për skualifikimin e saj por, thuajse të gjithë tallën e qeshin me mënyrën banale e vullgare se si ajo ishte veshur.
Ata thonë se ajo u skualifikua për këtë arsye”. /Telegrafi/